玩殘 Edison 轉向台灣集郵
Cammi：好鍾意小豬
【《蘋果》專訪】陳冠希（ Edison）被 16歲慾照學生妹謝芷蕙（ Cammi）玩謝，形象插水， Cammi自爆受情慾事件打擊曾萌自殺念頭，幸好夠堅定重新振作。滿腦少女夢的 Cammi表示拍拖講啱 feel，掟走 Edison後，此刻夢中情人已鎖定台灣帥哥羅志祥（小豬）。 撰文：比華利
嫩模謝芷蕙有見跟陳冠希啜爆慾照事件漸淡化，她已開始逐步解封，希望趁聖誕新年檔彈出挖銀， Cammi昨日放學後即戴上大眼仔化濃妝接受本報專訪，力谷她與同門師姐推出的月曆。
Cammi穿上背心短褲在戶外拍照，看到花園有柱，自稱仍是處女的 Cammi興奮走近狂玩轉圈，童心未泯。對於 Edison早前在北京出席活動，就偷嗒 Cammi事件，自認錯得太笨，她則說：「成件事都過咗去，大家都受傷害，希望件事快啲丟淡，我會專注讀書同做嘢。」 Cammi表示跟 Edison分手後，她為盡快撫平傷痛，手機上的啜爆慾照和情慾短訊全部刪除，她說：「我而家冇佢電話㗎喇。」
問 Cammi可打算送 Edison性感月曆，她說：「下次活動有機會見到佢咪送。」似乎要讓 Edison對足她一年。 Cammi自爆拍拖講啱 feel，現在中港台哪個男星最合她心水？ Cammi說：「我好鍾意小豬，佢係我偶像，我好欣賞佢做戲。我有睇佢《娛樂百分百》好搞笑。」
周日出動挖銀
Cammi指爆出情慾照後，她的人生一度進入黑暗期，她說：「我嗰排試過鑽牛角尖，諗過死咗佢，但後來諗番父母，自己就唔敢再諗，死咗就好可惜，瞬間就冇 咗呢種諗法。」 Cammi先後跟中港台的 Edison、萬寧哥哥沈志明和井柏然爆緋聞，她說：「我本身都唔集郵嘅，我始終係女仔，俾人咁叫梗係唔好。」 Cammi周日便出動做商場騷。
沒有留言:
張貼留言